آئینہ کے رکن بنیں ؞؞؞؞؞؞؞ اپنی تخلیقات ہمیں ارسال کریں ؞؞؞؞؞s؞؞s؞؞ ٓآئینہ میں اشتہارات دینے کے لئے رابطہ کریں ؞؞؞؞؞؞؞؞؞ اس بلاگ میں شامل مشمولات کے حوالہ سے شائع کی جاسکتی ہیں۔

Wednesday, 14 August 2019

AE SHAREEF INSANO---NCERT SOLUTION CLASS X URDU


اے شریف انسانو

Courtesy NCERT

خون اپنا ہو یا پرایا ہو
نسل آدم کا خون ہے آخر
جنگ مشرق میں ہو کہ مغرب میں
 امن عالم کا خون ہے آخر

بم گھروں پر گریں کہ سرحد پر
روح تعمیر زخم کھاتی ہے
کھیت اپنے جلیں کہ غیروں کے
زیست فاقوں سے تلملاتی ہے

ٹینک آگے بڑھیں کہ پیچھے ہٹیں
کوکھ دھرتی کی بانجھ ہوتی ہے
فتح کا جشن ہو کہ ہار کا سوگ
زندگی میتوں پر روتی ہے

جنگ تو خود ہی ایک مسئلہ ہے
جنگ کیا مسئلوں کا حل دے گی
آگ اور خون آج بخشے گی
بھوک اور احتیاج کل دے گی

اس لیے اسے شریف انسانو!
آپ اور ہم سبھی کے آنگن میں
جنگ ٹلتی رہے تو بہتر ہے
شمع جلتی رہے تو بہتر ہے

(ساحر لدھیانوی)

ساحر لدھیانوی
(1980 – 1921)


ساحر کا اصل نام عبد بھی تھا وہ ساحر لدھیانوی کے نام سے مشہور ہوئے ۔ لدھیانہ (پنجاب) میں پیدا ہوئے ۔ زمانہ طالب علمی ہی سے شعر کہنے لگے تھے۔ 1936 میں ترقی پسند تحریک شروع ہوئی۔ اس تحریک سے وابستہ ہونے والوں میں ساحر بھی شامل تھے۔ 1947 میں تقسیم ملک کے بعد دہلی چلے آئے پھر تلاش معاش میں مبین پہنچے جہاں انھوں نے فلموں کے لیے گیت لکھے۔ ساحر نے اپنی شاعری سے ہندوستانی فلموں میں گانوں کے معیار کو بہت بلند کیا ۔ اپنے زمانے کے وہ سب سے مشہور گیت کار تھے۔ ان کے فلمی گیتوں میں بھی ان کی شاعری کی تمام خوبیاں موجود ہیں۔ عوام کے دکھ درد کا احساس اور ماحول کی کشمکش کا اثر ان گیتوں میں نمایاں ہے۔ تمنیاں ان کی شاعری کا پہلا مجموعہ ہے۔ اس کے بہت سے ایڈیشن شائع ہوئے۔ ”آو کہ کوئی خواب میں بھی ان کی شاعری کا معروف مجمود ہے۔”گاتا جائے بنجارہ میں ساحر کے فلمی گیت یکجا کر دیے گئے ہیں۔ ساحر کی پرچھائیاں اردو کی طویل نظموں میں ایک خاص حیثیت رکھتی ہے۔

.
معنی یاد کیجیے:

نسل : آدم کی نسل، تمام انسان
مشرق : پورب
مغرب : پچھم
فتح : جیت
احتیاج  : ضرورت 
عالم  : دنیا 
روح تعمیر  : تعمیر کا جذ بہ، زندگی کو بنانے سنوارنے کی خواہش 
زیست  : زندگی 
جشن  : خوشی کی تقریب ، چہل پہل 

غور کیجیے:

جنگ سے بربادی اور تباہی کے سوا کچھ حاصل نہیں ہوتا۔ جنگ انسانی ترقی اور خوش حالی کی دشمن ہے۔

سوچنے اور بتایئے

1. ’’روح تعمیر“ کے زخم کھانے سے شاعر کی کیا مراد ہے؟
جواب:

2۔ دھرتی کی کوکھ بانجھ ہونے سے کیا مطلب ہے؟
جواب:

3۔ شاعر نے جنگ کو امن عالم کا خون کیوں کہا ہے؟
جواب:

عملی کام:
اس نظم میں اپنا ، پایا، مشرق، مغرب وغیرہ متضاد الفاظ استعمال ہوئے ہیں۔ ایسے ہی کچھ لفظوں کی فہرست بنائیے۔
جنگ کے نقصانات پر مختصر مضمون لکھیے۔

0 comments:

Post a comment

خوش خبری