سالگرہ مبارک

آئینہ جدید اپنے قارئین کی حوشیوں میں برابر کا شریک ہے۔

سالگرہ مبارک

مزید پڑھیں

محبوب الٰہی کے عرس کے موقع پر خصوصی پیش کش

علامہ اقبال بہ درگاہ حضرت محبوب الہی

فرشتے پڑهتے ہیں جس کو وہ نام ہے تیرا

بڑی جناب تری فیض عام ہے تیرا

ستارے عشق کےتیری کشش سے ہیں قائم

نظام مہر کی صورت نظام ہے تیرا

تری لحد کی زیارت ہےزندگی دل کی

مسیح وخضر سے اونچا مقام ہے تیرا

مزید پڑھیں

گیارہویں شریف

گیارہویں شریف(فاتحہ یازدہم)

 بغداد سے جیلان جاتے ہوئے اس  قافلہ کے قصہ سے شاید ہی کوئی شخص نا واقف ہو جس میں ہر عمر کے لوگوں کے ساتھ ایک آٹھ سال کا بچہ بھی تها جو حصول علم  کے لئے جیلان جارہا تھا. . جسکی ماں نے چالیس دینار اس کی شیروانی کی اندرونی جیب میں سی دیئے تهے .رخصت کے وقت ماں نے کبھی  جهوٹ  نہ بولنے کی نصیحت کی تهی اور کہا تھا جهوٹ بولنے والے سے اللہ تعالیٰ ناراض ہو جاتا ہے. راستہ میں ڈاکووں کے ایک گروہ نے حملہ کر دیا قافلہ والوں کا مال و اسباب لوٹا جا رہا  تھا اسی دوران ڈاکووں کے سردار کی نظر بچے پر پڑی. اس نے پوچھا "تمہارے پاس کیا ہے". بچے نے جواب دیا "چالیس دینار". مگر تلاشی میں کچھ نہ ملا، پوچهنے پر بچے نے جواب دیا، "وہ دینار میری ماں نے اندرونی  جیب میں سی دیئے ہیں. جیب پهاڑنے پر چالیس دینار برآمد ہو گئے سردار  حیران ہوگیا اور سوال کیا "جب والدہ نے اتنی حفاظت سے سی دیا تها تو تم نے کیوں بتا دیا". بچے نے جواب دیا ماں کی نصیحت تهی ،"جهوٹ کبهی نہ بولنا" سردار کی آنکھوں میں آنسو آ گئے اس نے قافلے والوں کا سارا سامان واپس کر دیا اور تائب ہوگیا اور اس کا پورا گروہ بهی. جس بچے کی صداقت نے ڈاکووں کے گروہ کو اللہ والا بنا دیا وہ کوئی اور نہیں حضرت غوث الثقلین شیخ عبدالقادر جیلانی رحمۃ اللہ علیہ تهے، جنکا نام عبدالقادر اور کنیت ابو محمد تهی. آپ کا سن ولادت 470ه  اور وہ خطہ جہاں آپ پیدا ہوئے بغداد شریف کے قریب قصبہ جیلان ہے. نور نبوت سے معمور خاندان میں پیدا ہونے والی یہ شخصیت نجیب الطرفین سید ہے، والد محترم کا نام ابو صالح تها اور آپ آل حسن میں  تهے اور والدہ محترمہ کا نام ام الخیر فاطمہ تها جو حسینی تھیں. آپ نہایت ذهین اور حافظہ کے تیز تهے. آپ کی ولایت کے جوہر بچپن سے ظاہر ہونے لگے تھے. آپ کی تاریخ وصال 11  ربیع الثانی ہے.آپ 561 ه میں 91 برس کی عمر میں بغداد شریف میں واصل بحق ہوئے. آپ کا مزار مبارک مرجع خلایق ہے. 11ربیع الثانی کو بر صغیر کے مسلمان اسی مناسبت سے گیارہویں شریف کے نام سے یاد کرتے ہیں اور چہار سو  قل و فاتحہ اور لنگر کا اہتمام کرتے ہیں.  

 بدہ دست یقین اے دل بدست شاہ جیلانی

 کہ دست او بود اندر حقیقت دست یزدانی

 سگ دربار میراں شو چوں خواہی قرب ربانی

 کہ بر شیراں شرف دارد سگ دربار جیلانی 

"امیمہ قادری

مزید پڑھیں

فوٹو گیلری

آئینہ پیش کرتا ہے آپ کے لئے تصویروں کی ایک نئی گیلری

کسی بھی تصویر کو بڑی شکل میں دیکھنے لئے ماؤس کو تصویر پر لائیں

اپنی تصایر ہمیں بھیجیں اسے شائع کرنے میں ہمیں خوشی ہوگی۔

کے پتے پر ای میل کریں۔ merinazar2013@gmail.com تصاویر

• 
  آئینہ کے مدیر حسنین مبشر عثمانی مدینہ منورہ میں روضہ پر حاضری کے بعد۔


• 
  جھارکھنڈ کے جنگلوں کے درمیاں۔


• 
  تاڑ کے یہ دو پیڑ کبھی ہمارے چھوٹے سے گاؤں سملہ کی شان ہوا کرتے تھے اور دور سے ہی اس گاؤں کی پہچان بنے ہوئے تھے۔لیکن آج کچھ لوگوں کی عاقبت نا اندیشی سے تاڑ کے یہ درخت کاٹ دیے گئے ہیں۔ اب یہ خوبصورت منظر صرف تصویر اور ہماری یادوں کا حصہ بن گئی ہیں۔


• 
  جھارکھنڈ کے جنگلوں کے درمیاں سڑک سے نشیب کا ایک منظر۔


• 
  رانچی کا برسا منڈا ہوائی اڈہ جس کے بورڈ پر حرف اے کی لائٹ خراب ہوگئی ہے لیکن انتظامیہ اس سے بے خبر ہے۔


• 
  'وکاس' کے بورڈ تلے اپنی زندگی کے بوجھ کو ڈھوتا جھارکھنڈ کا ایک شہری۔


• 
  دھنباد رانچی شاہراہ پر سڑک کنارے گھاٹ کا ایک خوبصورت منظر۔

ایک نئی فوٹو گیلری کے لئے یہاں کلک کریں

مزید پڑھیں

بچوں کے لئے نظمیں

عادل اسیر دہلوی کی چند نظمیں

ابو نے بتلایا

ابو نے بتلایا ہے
محنت سے ہے عزت
چھوٹے بڑے کی چاہت
ماں اور باپ کی شفقت
دنیا بھر کی دولت
ابو نے بتلایا ہے

امی نے فرمایا

امی نے فرمایا ہے
صبح سویرے اٹھو
نام خدا کا پڑھ لو
ناشتہ کرکے بچو
پھر مکتب کو جاؤ
  امی نے فرمایا ہے

مزید پڑھیں

ذرا مسکرائیے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اقصیٰ عثمانی

ایک شخص کے پاس فون آیا۔

ہیلو مسٹر قادری ہیں۔

نہیں رانگ نمبر

رانگ نمبر ہے تو فون کاٹ دو۔

اس شخص  نے چھری اٹھائی اور فون کو درمیان سے کاٹ دیا۔

مزید پڑھیں

جو دھا اکبر: تاریخی سیریل یا بازاری تماشہ

ایک جانب جہاں تاریخی ناولوں کے پڑھنے کا رجحان کم ہو رہا ہے وہیں دوسری جانب مسلم حکمرانوں سے متعلق نئی نسل کو گمراہ کرنے میں کوئی کسر نہیں چھوڑی جا رہی  ہے۔ مسلم حکمرانوں کے وقار سے کھلواڑ کیا جارہا ہے۔اس سلسلہ میں سبھی ٹی وی چینلز پیش پیش ہیں۔۔

زی ٹی وی پر ان دنوں ایک سیریل جودھا اکبر دکھایا جا رہا ہے۔اس سیریل کے خلاف راجپوتوں نے زور دار احتجاج کیا لیکن حقیقت تو یہ ہے کہ اس سیریل میں شہنشاہ اکبر کو جس مضحکہ خیز انداز میں پیش کیا گیا وہ تاریخ دانوں کے لئے قابل اعتراض ہونا چاہئے تھا۔ہندوستان کے تاریخی ورثہ کی حفاظت کرنے والوں کا فرض ہے کہ وہ اس ملک کے سابق حکمرانوں کی اصل تاریخ کی بھی حفاظت کریں۔ اگر اس طرح ہندوستان کے شاندار ماضی سے کھلواڑ کیا جاتا رہا تواس ملک کے تابناک ماضی کی یہ مضحکہ خیز پیش کش ہمارے لئے شرمناک ہو جائے گی۔

سیریل بنانے والوں کو چاہئے کہ وہ اگر کسی تاریخی موضوع پر کام کر رہے ہیں تو وہ اس کے وقار کو بھی باقی رکھیں۔ صرف آغاز میں اس بات کا اعتراف کرلینے سے اپنی ذمہ داریوں سے دامن نہیں جھازا جا سکتا کہ اس سیریل کا تاریخی حقائق سے کوئی تعلق نہیں ہے۔سوال کسی طبقے کے جذبات کو ٹھیس پہنچانے کا نہیں بلکہ تاریخی  حقائق سے متعلق حقیقت بیانی سے گریز کرنے اور ملک کے سابق حکمرانوں کے وقار سے کھلواڑ کرنے کا ہے۔

سیریل جودھا اکبر میں جہاں بہت ساری کمیاں ہیں وہیں اس کی سب سے بڑی کمزوری یہ ہے  کہ اس کی زبان انتہائی ناقص ہے۔جن لوگوں نے فلم مغل اعظم دیکھی ہے ان کے سامنے تو یہ سیریل جہالت اور کٹھ پتلی کے ایک  تماشے سے زیادہ کچھ نہیں۔  

مزید پڑھیں

رانگ سائیڈ

جی ہاں میں ہوں ہندوستانی کرکٹ ٹیم کے کپتان مہندر سنگھ دھونی کے شہر میں۔ جھار کھنڈ کی راجدھانی رانچی۔لیکن یہاں بھی سب کچھ ہندوستانی کرکٹ ٹیم کی طرح الٹا ہی الٹا چل رہا ہے۔بیرون ملک ہندوستانی کرکٹ ٹیم کی مسلسل شکست نے شایددھونی کے چاہنے والوں کی بھی عقل سلب کرلی ہے۔یہاں سامنے سے آتے ہوئے اس آٹو کو دیکھئے۔اس نے شاید اس دو طرفہ سڑک کو بھی کرکٹ کا پچ سمجھ لیا ہے جہاں دونوں سروں سے ایک ہی پچ پر گیندیں ڈالی جاتی ہیں ہاں مگر کم از کم ٹریفک تو ون وے ہوتا ہے۔ یک ایسا ملک جہاں حادثوں کی تعداد پچھلے سبھی ریکارڈوں کو توڑتی نظر آتی ہے وہاں اس آٹو والے کو رانگ سائیڈ چلنے میں کوئی پریشانی نہیں۔ جی ہاں یہ بہار اور جھارکنڈ کی شاہراہوں کا ہی نہیں بلکہ ملک بھر کی دیگر شاہراہوں کا بھی عام نظارہ ہے۔ ا یہ آٹو والا جس نے خود کو تو خطرے میں ڈالا ہی ہے ساتھ ہی یہ کسی اور بڑے حادثے کا سبب بھی بن سکتا ہے۔
ملک بھر میں ٹریفک اصولوں کے تئیں بیداری پیدا کرنے کےساتھ ساتھ ایسے عناصر کی خلاف سختی کی سخت ضرورت ہے۔
(مدیر) 

• 
  رانگ سائیڈ میں گاڑی چلاتا ایک شخص ۔ تصویر آئینہ

مزید پڑھیں

Al-Mujeeb - Urdu Zaban O Adab Mein Khanquah Mojibia Ki Khidmaat Number

المجیب

 (اردو زبان و ادب میں خانقاہ مجیبیہ کی خدمات نمبر)

 دینی اور علمی مجلہ المجیب اپنی سہ ماہی اشاعت مکمل کرچکا ہے۔اس موقع پر ادارہ نے ایک ضخیم نمبر شائع کیا ہے جس میں رسالہ المجیب کے تابناک سفر پر روشنی ڈالی گئی ہے اور انتہائی جامع اور مفید مضامین کو شامل کیا گیا ہے۔اس نمبر میں تاثرات کا ایک کالم بھی شامل اشاعت کیا گیا ہے۔ یہاں پیش ہے خانقاہ مجیبیہ فردوسیہ،سملہ ضلع اورنگ آباد کے سجادہ نشیں شاہ محمد تسنیم عثمانی فردوسی سملوی کے تاثرات:(ادارہ)

دینی ، علمی و ادبی مجلہ ’’المجیب‘‘ اپنی سہ ماہی اشاعت کی ایک دہائی مکمل کررہا ہے ۔اردو رسائل کے لئے ایک مشکل دور میں تسلسل سے کسی ایسے مجلے کا شائع ہونا جس میں دنیا کی رنگارنگی سے درکنار اخروی نجات اور سنجیدہ علمی و دینی مضامین پر زیادہ زور ہویقیناً عزم محکم اور سعی پیہم کی زندہ مثال ہے۔ حضرت مولانا سید شاہ محمد آیت اللہ قادری مدظلہ العالی،زیب سجادہ مجیبی ،خانقاہ مجیبیہ پھلواری شریف کی زیر نگرانی اس علمی و ادبی مجلہ کی یہ باوقار اشاعت ان کے لئے جو اس دور پر فتن میں سنجیدہ علمی ،دینی ،معلوماتی اور ادبی تحریروں کے پڑھنے کے خواہاں ہیں ایک بیش قیمت تحفہ ہے۔

جب سے میں نے ہوش سنبھالا ہے ’’المجیب ‘ ‘ کو اسی آب و تاب سے شائع ہوتا دیکھ رہا ہوں۔والد محترم حضرت حکیم شاہ محمد طاہر عثمانی فردوسی سملوی ؒ ،زیب سجادہ خانقاہ مجیبیہ فردوسیہ، سملہ ،ضلع اورنگ آبادکو اس رسالہ سے ذہنی، قلبی و روحانی لگاؤ تھا۔ان کے ذاتی کتب خانے میں ’’المعارف ‘‘کے شمارے بھی موجود تھے۔وہ بڑی بے صبری سے’’ المجیب‘‘ کے ہر شمارے کا انتظار کرتے اور جیسے ہی یہ رسالہ ان کے ہاتھوں میں آتا ایک ہی نشست میں اس کو مکمل پڑھنے کی سعی کرتے۔خانقاہ مجیبیہ کے بزرگوں اور اہل قلم حضرات سے ان کا قلبی تعلق ’’المجیب ‘‘سے ان کے عشق کا ایک بنیادی عنصر تھا۔ ۷۰ کی دہائی میں اس رسالے کا عروج قابل دید تھا۔خانقاہ مجیبیہ اور ملک کے نامور علما و مشائخ کی تحریریں اس مجلے کی زینت بن رہی تھیں۔ایک وقت ایسا بھی آیا جب ۱۹۸۰ میں ماہنامہ’’ المجیب ‘‘کی اشاعت کو وقتی طور پر روکنا پڑا۔ظاہر ہے یہ وقفہ نہ صرف خانقاہ کے اکابرین کے لئے بلکہ ادب کہ ان تشنہ لبوں کے لئے بھی انتہائی سخت تھا جواس رسالہ سے اپنی دینی ،فکری، ادبی و ذہنی پیاس بجھاتے تھے۔ اللہ کا شکر ہے آج سے دس سال قبل اس رسالہ کا ایک بار پھر اسی شان سے اجرا ہوا اور الحمد اللہ آج ’’المجیب ‘‘ اپنی از سر نو اشاعت کے خوبصورت دس سال مکمل کررہا ہے۔اپنی اشاعت کے دوسرے زرّیں دور میں المجیب کو سہ ماہی کرنے کا فیصلہ کیا گیا لیکن وقت کی رفتار اتنی تیزہے کہ اس رسالہ کے ماہانہ سے سہ ماہی ہونے کا احساس بہت زیادہ نہیں رہا۔اس مجلے میں شامل ہونے والے علمی و تحقیقی مضامین اتنے ٹھوس اور معیاری ہیں کہ دوسرے رسائل کی طرح ایک ماہ میں اس کی مشمولات کو ہضم کر پانا آسان نہیں۔انتہائی جانفشانی سے تحریر کردہ یہ مضامین دیرپا اثرات کے حامل ہوتے ہیں۔ظاہر ہے اتنے محدود وسائل میں اس معیار کے رسالے کی ماہانہ اشاعت ایک مشکل امر ہے خاص کر ایسی صورت میں جب سنجیدہ اور ایک مخصوص مزاج کی تحریروں کے لکھنے اور پڑھنے والے کم ہوں۔المجیب کی خوش نصیبی ہے کہ اسے مضامین و مقالات کے لئے دوسروں کا منہ تکنے کی ضرورت نہیں۔ خود اس کے خزینے میں ایسے ایسے گوہر آبدار موجود ہیں جو دنیائے علم و تحقیق کی پیاس بجھانے اور ان کی راہ نمائی و قیادت کی صلاحیت رکھتے ہیں۔المجیب کی مسلسل کامیاب اشاعت کا راز اسی میں پنہاں ہے۔مالی دشواریاں المجیب کے لئے سد راہ بنیں لیکن اس کے سرپرستوں نے اپنی مخلصانہ کاوشوں اورجہد مسلسل سے اس پر قابو پایا۔آج اردو کی خدمت کا دعویٰ کرنے والے بڑے بڑے ادارے موجود ہیں لیکن خانقاہ مجیبیہ ،پھلواری شریف نے اردو زبان کی جو خاموش خدمت کی ہے وہ آب زر سے لکھے جانے کے قابل ہے۔دینی ،علمی و ادبی رسالوں میں المعارف سے المجیب تک کا سفر نہ صرف تشنگان علم بلکہ اردو زبان و ادب کی ایسی خاموش خدمت ہے جس کا اعتراف نہ کرنا نا انصافی اور نا شکری ہوگی۔

آج ہم صرف اس علمی و دینی مجلہ کے دس سال مکمل کرلینے کا جشن نہیں منا رہے بلکہ آج یہ امر بھی قابل تعریف ہے کہ خانقاہ مجیبیہ نے اپنے محدود وسائل کے باوجود اردو زبان وادب کی جو خدمت کی ہے وہ بے مثال ہے۔ یہ ایک مسلم حقیقت ہے کہ اردو شعر و ادب کی ترویج و اشاعت میں خانقاہوں کا عظیم حصّہ رہا ہے۔ ان خانقاہوں نے اردو کو اس کی اس بنیادی تہذیبی شکل میں زندہ رکھا جو فارسی سے قریب ترتھی۔ آج بھی خانقاہ مجیبیہ میں ایسے اہل علم موجود ہیں جو نہ صرف فارسی پر بھرپور دسترس رکھتے ہیں بلکہ اس زبان میں شاعری کرنے پر بھی قادر ہیں۔زیب سجادہ حضرت مولانا سید شاہ محمدآیت اللہ قادری ،مولانا الحاج سیدشاہ ہلال احمد قادری، مولانا شاہ بدر احمد مجیبی،مدیر المجیب ڈاکٹر شاہ فتح اللہ قادری اپنے اسلاف کے نقش قدم پر تشنگان علم اور اردو زبان و ادب کی خدمت میں مصروف ہیں۔ خانقاہ مجیبیہ میں اردو زبان و ادب کی یہ خدمات صرف ان رسائل تک محدود نہیں بلکہ یہاں تحقیقی ، علمی، دینی و ادبی کاموں کا ایک ذخیرہ موجود ہے۔ فیاض المسلمین امیرالشریعۃ مولانا سید شاہ محمد بدر الدین قادری پھلواروی قدس سرہ کی تالیف مبارکہ’’ احوال مولائے کائنات‘‘مع تحشیہ و تخریج ازسید شاہ آیت اللہ قادری ،اس دور میں شائع ہونے والی ایک ایسی علمی و ادبی کتاب ہے جس میں اس موضوع پر انتہائی عرق ریزی سے کام کیا گیا ہے اور اس کا بھرپور حق ادا کیا گیا ہے۔ اردو زبان و ادب کے لحاظ سے بھی یہ ایک بلند پایہ تصنیف ہے۔زبان کی سلاست اور تحریر کی روانی قابل دید ہے۔مولانا سید شاہ ہلال احمد قادری کی تالیف ’’سیرت پیر مجیب قدس سرہ‘‘ بھی اسی سلسلہ کی ایک کڑی ہے۔دارالاشاعت خانقاہ مجیبیہ ، پھلواری شریف ان نادر و نایاب تحریروں کو شائع کرکے امت مسلمہ اور اردو زبان و ادب کی ایک بیش بہا خدمت انجام دے رہا ہے۔مختصر تاثرات میں ان کا احاطہ ممکن نہیں ۔ خانقاہ مجیبیہ میں اردو زبان و ادب کی خدمات کا یہ ذکر سورج کو چراغ دکھانے کہ مترادف ہے۔ خانقاہ مجیبیہ کی علمی و ادبی خدمات کو کسی سند کی ضرورت نہیں ؂ مشک آں است کہ خود ببوید نہ کہ عطار بگوید۔یہ ان بزرگوں کا فیض خاص ہے کہ ان کے آستانے سے آج بھی یہ خوشبو چمن میں پھیل رہی ہے اور انشاء اللہ تاقیامت پھیلتی رہے گی اور تشنگان علم دین اور شیدایان زبان و بیان اسی طرح فیضیاب ہوتے رہیں گے۔

مزید پڑھیں

ذرا مسکرائیے

مزاح ہماری زندگی کا ایک اہم جزو ہے۔یہاں ہم ملک کے نامور کارٹونسٹوں کے شکریے کے ساتھ ان کے کارٹونوں کی مدد سے ایک  سلسلہ شروع کر رہے پیش ہے اس سلسلہ کی پہلی کڑی۔۔۔۔۔

بڑے سائز میں دیکھنے کے لئے تصویر پر کلک کریں۔

مزید پڑھیں