آئینہ کے رکن بنیں ؞؞؞؞؞؞؞ اپنی تخلیقات ہمیں ارسال کریں ؞؞؞؞؞s؞؞s؞؞ ٓآئینہ میں اشتہارات دینے کے لئے رابطہ کریں ؞؞؞؞؞؞؞؞؞ اس بلاگ میں شامل مشمولات کے حوالہ سے شائع کی جاسکتی ہیں۔

Tuesday, 18 February 2014

اب گوگل گھر بیٹھے کرائے گا تاج محل کی سیر

دنیا کے ساتویں عجوبے تاج محل کو اب گوگل ہندوستانی وزارتِ ثقافت کے ساتھ مل کر آپ کی کمپیوٹراسکرین تک لانے کے منصوبے پر کام کررہا  ہے۔اب دنیا بھر کے لوگ محض ایک کلک سے ہندوستان کے مشہور سیاحتی مقامات کی سیر کرسکیں گے۔
خبر وں کے مطابق اس منصوبے کے لیے تاج محل سمیت ہندوستان کے 99 تاریخی مقامات کو گوگل اسٹریٹ ویو میں شامل کیا گیا ہےجس میں تاج محل کے علاوہ قطب مینار اور اجنتا ایلورا کی گپھائیں بھی شامل ہیں۔سترہویں صدی عیسوی میں تعمیر ہونے والا یہ مقبرہ دنیا میں مغل طرزِ تعمیر کی بہترین مثال سمجھا جاتا ہے۔چونکہ گوگل کی اسپیشل کار تاج محل میں داخل نہیں ہو سکتی اس لئے گوگل نےکمر پر لادنے والے ٹریکر کیمروں کی مدد سے اب اس کا ڈیجیٹل نقشہ بنا نے کے منصوبے پر کام شروع کردیا ہے۔ اب تک ان کیمروں کی مددسے امریکہ کی گرینڈ کینیئن اور دبئی میں واقع دنیا کی بلند ترین عمارت برج الخلیفہ کے ڈیجیٹل نقشے تیار کیے گئے ہیں۔
گوگل کا ٹریکر کیمرا مختلف زاویوں پر نصب اپنے 15 عدسوں کی مدد سے مسلسل تصویریں کھینچتا ہے اور پھر ان تصاویر کو جوڑ کر سافٹ ویئر کی مدد سے دیکھنے والوں کو 360 ڈگری کی تصویر فراہم کی جاتی ہے جس سے ناظرین کو محسوس ہوتا ہے کہ وہ خود اس مقام پر موجود ہیں۔

یاد رہے کہ تاج محل کے تمام حصے سیاحوں کے لئے نہیں کھولے گئے ہیں اور بادشاہ شاہ جہاں اور ممتاز محل کے مزار تک سیاحوں کی رسائی نہیں ہے لیکن گوگل کا تاج محل کا ورچوئل ٹور سیاحوں کو گھر بیٹھے اس مقبرے کے ان مقامات کی بھی سیر کروائے گا جہاں حقیقی زندگی میں عام سیاحوں کی بھی رسائی نہیں۔

0 comments:

Post a comment

خوش خبری