آئینہ کے رکن بنیں ؞؞؞؞؞؞؞ اپنی تخلیقات ہمیں ارسال کریں ؞؞؞؞؞s؞؞s؞؞ ٓآئینہ میں اشتہارات دینے کے لئے رابطہ کریں ؞؞؞؞؞؞؞؞؞ اس بلاگ میں شامل مشمولات کے حوالہ سے شائع کی جاسکتی ہیں۔

Monday, 8 October 2018

Do Gaz Zameen - NCERT Solutions Class VII Urdu

دو گز زمین 
ٹالسٹائے
Courtesy NCERT

سوچیے اور بتائیے۔
1۔  نچوم کی کیا خواہش تھی؟
جواب: نچوم کی خواہش تھی کہ وہ ایک بڑ زمین کا مالک بن جائے۔

2۔  مسافر نے نچوم کو کون سی خوش خبری سنائی؟
جواب: مسافر نے بتایا کہ والگا ندی کے اس پار ایک زمین ہے اس جگہ ایک نئی بستی بسائی جا رہی ہے  اور لوگوں کو مفت زمین دی جا رہی ہے اور جو بھی چاہے وہاں  کوئی بھی زمین خرید  سکتا  ہے۔

3۔  خوش خبری سن کر نچوم نے کیا کیا؟
جواب: خوش خبری سن کر نچوم کی بانچھیں کھل گئیں اور وہ وہاں کے لیے روانہ ہو گیا۔

4۔  تاجر نے نچوم کو کیا مشورہ دیا؟
جواب: تاجر نے نچوم کو بتایا کہ وہاں سے دور باشکروں کے علاقے میں زمین بہت سستی ہے۔ باشکروں کے پاس زمین بے حساب ہے۔ مگر وہ کیتی باڑی کرنا نہیں چاہتے۔ وہ لوگ بہت سیدھے سادے ہیں کہ اگر تحفے لے جاؤ وہ خوش ہوجائیں گے اور زمین سستے میں بیچ دیں گے۔

5۔  با شکروں نے نچوم کی کیا تواضع کی؟
جواب: باشکروں نے نچوم سے کہا کہ وہ ایک ہزار روبل میں سورج طلوع ہونے سے سورج غروب ہونے تک جتنی زمین چل کر گھیر لے وہ اتنی زمین کا مالک ہو سکتا ہے۔

6۔  باشکروں کے سردار نے زمین فروخت کرنے کی کیا شرط رکھی؟
جواب: باشکروں کے سردار نے یہ شرط رکھی کہ سورج نکلنے سے لے کر ڈوبنے تک وہ جتنی زمین پر چلے گا وہ اسے مل جائے گی۔

7۔  نچوم آگے کیوں بڑھتا چلا گیا؟
جواب: نچوم زیادہ زمین گھیرنے کی لالچ میں آگے بڑھتا چلا گیا۔ وہ جتنا آگے جاتا اس کے پیروں کے نیچے زرخیز زمین آتی جاتی۔

8۔  نچوم کا یہ انجام کیوں ہوا؟
جواب: نچوم کا یہ انجام لالچ کرنے کی وجہ سے ہوا۔

نیچے لکھے ہوئے لفظوں کو جملوں میں استعمال کیجیے۔
حیثیت : ہمیں اپنی حیثیت کے مطابق کام کرنا چاہیے۔
اطمینان : رزلٹ دیکھ کر اسے اطمینان ہوا۔
بقایا : سلیم نے بقایا رقم ادا کردی۔
قطار : بچے قطار میں کھڑے ہو گئے۔
تواضع : مہمان کی تواضع کرنی چاہیے۔
رفتار : گاڑی کی رفتار تیز تھی۔
سفر : دہلی کا سفر کامیاب رہا۔
زرخیز : کھیت بہت زرخیز تھا۔
لالچ : لالچ بری بلا ہے۔
قبضہ : اس نے ہماری زمین پر قبضہ کر لیا۔
احساس : اسے اپنی غلطی کا احساس تھا۔
شرابور : وہ شرم سے شرابور ہوگیا۔
نسیم بارش میں شرابور ہوگیا۔
واحد سے جمع اور جمع سے واحد لکھیے۔
جمع : واحد
رقوم : رقم
تحفے : تحفہ
مطالب : مطلب
اطراف : طرف
شرائط : شرط
اعتراضات : اعتراض
ٹوپیاں : ٹوپی
احساسات : احساس
مناظر : منظر
سیٹیاں : سیٹی
انگلیوں : انگلی
حرکات : حرکت
کھونٹیاں : کھونٹی
ان لفظوں کے متضاد لکھیے۔
اطمینان : بے اطمینان
زرخیز : بنجر
موجود : غائب
بوجھل : ہلکا
دھندلا : صاف
غروب : طلوع

1 comment:

خوش خبری